मुलाखत - अभिनेत्री संस्कृती बालगुडे
संस्कृती तुझ्या अभिनय प्रवासा बद्दल सांग ?
- मी मुळची पुण्याची.,वयाच्या सातव्या वर्षापासून मी भारतनाट्यम शिकत आहे,(गांधर्व महाविद्यालयातून) भरत नाट्यमच्या चार परिक्षा दिल्या आहेत. १२वी पासून मी वेस्टर्नसुद्धा शिकत आहे. त्यानंतर मी बरेच डान्स शो केले. अरंगेत्रम केलं, कॉलेजच्या बऱ्याच स्पर्धांमध्ये सहभाग घेतला.त्यामुळे कला क्षेत्रात आवड निर्माण झाली.
पहिली संधी कशी मिळालि ?
- मी फर्स्ट इयर मध्ये शिकत असताना मला पिंजराची ऑडिशन असल्याचं समजलं आणि त्यांना या भूमिकेसाठी खास करून डान्सर मुलगीच हवी होती.त्यानंतर मी ती ऑडिशन दिली,निवडले गेले आणि मला पिंजारातली आनंदी साकारायला मिळाली. ह्या मालिकेद्वारे मोठमोठ्या दिग्गज कलाकारांबरोबर काम करण्याची एक उत्तम संधी मलाह्या क्षेत्रातील माझ्या प्रवासाच्या अगदी सुरुवातीलाच मिळाली यासाठी मी स्वतःला भाग्यवान समजते. ह्या कलाकारांच मार्गदर्शन , तांत्रिक बाबी व पहिलीच सीरिअल असल्याने अनेक गोष्टी शिकायला मिळताहेत.एकंदरीतच काम करताना सेट वर खूप मजा येते.
मुळात संस्कृती कशी आहे ?
संस्कृती म्हणजे मी प्रेमळ आणि इतरांची काळजी करणारी आहे,नृत्य हे माझा पहिल प्रेम आहे,मी थोडीशी लाजाळू आहे,मला चाहत्यांना स्वाक्षरी द्यायला त्यांच्या सोबत फोटो काढायला खूप आवडत.
अभिनय करताना तुला नृत्याचा फायदा होतो का ?
- हो,आज माझा जो काही अभिनय दिसतोय तो १० ते १२ वर्षांच्या माझ्या नृत्यसाधनेमुळे. मालिकेत अभिनय करताना द्यावी लागणारी expressions ह्यासाठी मला माझ्या नृत्यकलेचा फायदा होत आहे.लावणी हा कलाप्रकार सादर करतानाही शास्त्रीय नृत्याचा पाया असणं महत्वाचं ठरतं असं मला वाटतं व 'पिंजरा' तील आनंदी साकारताना मला ह्या गोष्टीचा निश्चितच फायदा होतोय.
सद्ध्या तू कोणत्या प्रोजेक्ट्स साठी काम करत आहेस ?
सद्ध्या मी माकडाच लग्न या चित्रपटात भूमिका करत आहे,त्यात मी एका माझ्या वयाच्या मुलीच्या भूमिकेत आहे,हा माझा अभिनेत्री म्हणून पहिलाच चित्रपट आहे,तसेच भूषण प्रधान यांच्या सोबत एक चित्रपट करत आहे,वेळ आल्यावर त्याबद्दल पण सांगेन.
चित्रपट आणि सिरिअल यात तुला कोणता फरक जाणवतो ?
सिरिअल म्हणजे तेथे ठराविक अश्या प्रकारचे काम केले जाते जसे कि तेच तेच लुक्स,तेच कॅमेरा angles त्यामुळे एका ठराविक मर्यादेपलीकडे नवीन काहीच शिकायला मिळत नाही,पण चित्रपट या माध्यमात अनेक नवनवीन बाबी शिकायला मिळतात.
उत्तम अभिनेत्री म्हणून समोर येण्यासाठी तू नेमके कोणते प्रयत्न करत आहेस ?
सद्ध्या अभिनय क्षेत्रात काम करत असताना मला अनेक दिग्गज अभिनेत्यांसोबत काम करण्याची संधी मिळत आहे,त्यामुळे त्यांचे काम जवळून पाहणे,त्याचे शब्दांचे उच्चार,त्यांचे चढ उतार यांचं निरीक्षण करत आत्मसात करण्याचा प्रयत्न सुरु आहे.
धन्यवाद संस्कृती !
विद्धार्थी कट्टा साप्ताहिकाला दिलेल्या मुलाखतीबद्दल धन्यवाद !
तुझ्या पुढील वाटचालीसाठी खूप खूप शुभेच्छा !
- श्रीनिवास कुलकर्णी.
दि. ९ ऑक्टो. २०१३
स्थळ : - बी एम सी सी महाविद्यालय प्रांगण.
(माकडाचं लग्न मराठी चित्रपट च्या चित्रीकरण स्थळी).
No comments:
Post a Comment